LUGIONEN. 379

tum iam biscentenarium et iam existentem cum approbatione S. Sedis et Episcoporum, observant quod Episcopus in sua allegatione nil novi attulit, sed tantum earum argumenta refutare tentavit, hinc in nova allegatione Moniales in ma- iori evidentia suas deductiones ponere obnituntur.

Et primo contendunt reapse B. Fundatorem cum assensu Episcopi Champflour statuisse quod Superior Missionariorum etiam Sororum Superior debeat esse, ceu apertissime constat ex primitiva regula ab eodem Episcopo approbata, in qua B. Fundator statuit Patrem Spiritualem, qui insimul sit ab Ordinario delegatus. Quod autem hic Pater Spiritualis Epi- scopi delegatus debeat esse iuxta Fundatorem Superior Mis- sionariorum, Moniales facile erui dicunt ex testamento primae ipsarum Superiorissae, in quo ipsis commendat obedientiam Superiori Generali Missionariorum a S. Spiritu, qui a P. de Monfort designatus est pro gubernio et manutentione in observantia regulae totius Congregationis. Idem firmatur a primitivis Constitutionibus a primis duobus Capitulis gene- ralibus approbatis. Idem tandem confirmat factum ipsum electionis P. Malot pro Superiore Generali Congregationis Filiarum Sapientiae, nam eodem tempore ipse gerebat munus Superioris Congregationis Missionariorum a S. Spiritu. As- sertionem Episcopi Lucionensis, nempe quod tunc temporis Societas Mariana non existeret, Moniales' tamquam a veritate alienam repellunt. Haec enim societas existebat usque a tempore mortis Fundatoris et constabat Fundatore, duobus praesbyteris, 4 laicis, et tribus postulantibus; quod Moniales probari dicunt, nedum a testamento B. Fundatoris, sed etiam ab historico Clorivière relato etiam in contraria allegatione.

Secundo Moniales sustinent, quidquid in contrarium as- seratur, hanc formam regiminis constanter approbatam fuisse ab Episcopis primo Rupellensibus et dein Lucionensibus, quoadusque Congregatio filiarum Sapientiae mansit dioece- sana : et hoc aperte scatere dicunt ex pluribus documentis, quae in allegatione referuntur.

Sed, pergunt Moniales, eadem regiminis forma approbata