384. De uno Martyre.

la. De lapide pretioso
Coronati capitis

1b. Manat virtus In augmento
Sacri diadematis.

2 a. In quo ductum operari
Verus coepit Aaron

2 b. Nec cessavit, donec Deus
Cognoscatur In Sion.

3 a. Novum mater salomonis
Diadema construit,

3 b. Quod In die nuptiali

Princeps pacis Induit.

4 a. Admirandum filiabus
Sion decus nobile

4b. Gerit princeps nominatus
In praecinctu gloriae.

5 a. Opus Istud confirmavit
Electorum numerus,
Quos per fidem matris almae
Castus parit uterus.

5 b. Lapis mirae claritatis
Martyr Iste creditur,
Cujus caput et corona
Christus Intelligitur.

6 a. Quam coronam In procinctu
Vir beatus meruit

6 b. Seque gratum Deo nimis
Holocaustum praebuit.

7 a. Quo congressu trina virtus
Inimicum superat,

7 b. Fides pugnat, spes Insultat,
Amor est, qui vulnerat.

8 a. Hic pro nobis Intercedat
Apud patrem luminis,

8 b. Ut Ipsius Inseramur
Claritati numinis.