385. De uno martyre.

1 a. Quod post hujus vitae cursum
Inventuri sumus rursum
Vitam satis optimam.

1b. Certis probant argumentis
Qui spe mundi resurgentis
Ultro perdunt animam.

2 a. Testes resurrectionis
Certant certi de coronis
Promissis certantibus,

2 b. Postponendam arbitrati
Mortem imortalitati
Mille se dant mortibus.

3 a. Hic catenae mole pressus
Cuncta perfert Indefessus
Ob amorem Domini,

3b. Hic est vecte perforatus,
Hic mordaci praebet latus
Lacerandum pectini.

4 a. Hic confractus, hic extensus,
Hic distractus, hic suspensus,
Hic damnatus bestiae:

4 b. Multi frixi, plures assi,
Mortis omne genus passi
Vivae fiunt hostiae.

5 a. Quibus et nos hostiis
Purgemur a vitiis,
Ne demur supplicio,

5b. Cum In fine temporum
Generalis corporum
Fiet resurrectio.