386. Plurimorum Martyrum.

1. Laudis odas resonemus
voce satis alta,

2 a. Celsithrono proclamantes
dulcia
prosis pneumata.

2b. Mirabilem In praeclara
manenti
sanctorum turba.

3 a. Qui de se fatur talia
scriptura
testante divina:
sum veritas
atque vita
nec non semita,

3b. Qua recto cursu gradiens
rutilat

sanctorum caterva,
post obitum
aetheream
adit curiam.

4 a. Ergo non tantam
talemque viam
sequi pigeat,

4 b. Quos hujus captant
vasti quatuor
orbis climata.

5 a. Et conculcata
omni nequitia
propellatur prava
mente luxuria
omni cum nequitia.

5b. Et corda nostra
livione dempta Ipso protegente
fides possideat
spes simul ac caritas.

6 a. Haec nobis sanctorum dona
obtineat turba,

6 b. Quae vernans virtute pia
florescit ut palma

7 a. Ac velut

cedrus egregia
celsa penetrans

7 b. Aeterne

mansura possidet
vitae praemia.

8 a. Quae nobis concedat
sancta trinitas
et unitas,

8 b. Cui sit laus, honor
atque gloria
conspicua

9. Per tempora cuncta.