387. De ss. Martyribus.

la. Ante thronum majestatis
Laus divinae potestatis
Decantatur hodie,

1b. Stolis albis et coronis
Testes Christi passionis
Testes sunt et gloriae.

2 a. Hi sunt regna qui vicerunt
Et ad vitam meruerunt
Ingredi martyrio,

2 b. His est mori triumphare,
Vitam morte commutare
Felici commercio.

3 a. Ei sunt vere Christi testes,
Qui tollentes suas vestes
Prosternebant In via,

3 b. In excelsis laureati,
In terrenis Imitati
Christi sunt vestigia.

4a. In cavernis conversati,
Fide stabant roborati
Ducti coram regibus,

4b. Blandimentis atque minis
In melotis et caprinis
Resistebant pellibus.

5 a. Igne sunt examinati
Sicut aurum, lapidati
Secti, caesi gladio,

5 b. Stabant fortes In agone,
Certi de promissione
Currebant In stadio.

6 a. Fontem vivum sitiebant
Degustare, sed bibebant
De torrente In via:

6b. Merces datur copiosa,
Quorum mors est pretiosa
In Dei praesentia.

7 a. Christum ducem elegerunt,
Christi crucem sustulerunt
Sed non In angaria;

7 b. Margaritas pretiosas
Invenerunt et In rosas
Converterunt lilia.

8 a. Christe, sidus salutare,
Qui dedisti triumphare
Martyres ad gloriam,

8 b. In procella fluctuantes
Pervenire fac lactantes
In sanctorum patriam.