389. De Confessore non Pontifice.

la. Ave, gemma confessorum,
Micans In alta polorum,
Vitae virtutum et morum
Exemplar egregium;

1b. Tu perfusus coeli rore,
Paradisi flos decore,
Vincis balsamum odore,
Candens plus quam lilium.

2 a. Salve, lampas et lucerna,
Luce lucens sempiterna,
Te Hierusalem superna
Recepit cum gaudio:

2 b. Tu vir mundus vita, totus
In amoris fonte lotus,
Pius, fervens et devotus
In Dei servitio.

3 a. Gaude, quia refulsisti

Velut sol In templo Christi;
Quem quaerebas, Invenisti
Supra astra gloriae.

3 b. Ora votis caritatis

Fontem omnis bonitatis,
Ut det nobis cum beatis
Sua frui facie.