393. De uno Confessore.

1. Justus homo velut palma
Florescit cedrus ut alta,

2 a. In Domini domo
pollet fructificando,

2 b. Multiplices ramos
virtutum germinando.

3 a. Ut oliva
pingui radice
semper profert
germen dulce,

3 b. Quod Infirmis
exstat salubre,
clara quoque
splendet luce.

4 a. Jam felici germine
decoratus
malo ab auditu
non timebit

4b. Homo hic mitissimus,
memoriam
cujus In hac die
celebramus.

5 a. Nos miseri,
nos mortui,
nos In delictis
et vitiis enutriti

5 b. Te poscimus
humiliter,
tua nos sancta
oratio ut emundet.

6 a. In regno coeli una cum
beatis

animabus
electorum
Precare, nobis
etiam tribui

6 b. Post mortem carnis
requiem animae.

Ut tuo supplicamento
salvemur

nos merita

non habentes.

7. Hoc, pater inclite,
jugiter studeas
orare, supplicamus.