395. De uno Confessore.

1a. Vigilate, dictum uni,

Servi servant In communi
Tamquam dictum omnibus,

1b. Lumbos suos praecingentes
Et ardentes deferentes
Lucernas In manibus.

2 a. Praesto sponsum praestolari,
Licet horae sint Ignari,
Quando sponsus redeat,

2 b. Licet horae sint Incerti,
Certi tamen, quod reverti
More furis debeat.

3 a. Quos tormenta non angustant,
Paulativam mortem gustant,
Ut compensent gladium:

3b. Operantur m talentis,
Intraturi venientis
In aeternum gaudium.

4a. Quod meam unam sunt lucrati,
Praesunt viri civitati,
Quique plures pluribus.

4 b. Quod paucorum curam gerunt,
Supra multa tandem erunt
Ut digni majoribus.

5 a. In cujus consortio
Patris hujus portio
Dignis fulget titulis,

5 b. Cujus patrocinio
Gaudeat baec concio
Saeculorum saeculis.