396. De quolibet Sancto.

1. Rex coelice,
Deus altissime,

2 a. Conditor omnium
saeculorum,

2 b. Corona (sors), praemium
fidelium,

3 a. Vita, pax et gaudium
viventium,

3 b. Salus quoque omnium
credentium.

4 a. Salvator et redemptor
omnium
in te sperantium,

4b. Immensa spes et summa,
a quo bona
procedunt omnia.

5 a. Te supplices
nunc exoramus
et petimus,

5 b. Ut deleas
nostra delicta
propitius,

6 a. O sancte Domine,
Suscipe, laus
angelorum, laudum
carmina laeta
ac pia

6 b. Aure benigna,
Prece, voto
supplici nostra quae
mittit caterva
devota.

7 a. Coelum quoque terra
et mare, sol, luna,
sidera poli fulgida

7 b. Tuaque creata,
o Deus, omnia
tibi serviunt per saecla.

8 a. Et sancta agmina

Te collaudant, adorant,
sancte rex, In hac aula
pretiosa.

8 b. Fac tuis gaudia
Et dona per saecula
sancta tabernacula
et aeterna.

9 a. Quae permaneant
omni cum pace
sine fine
te annuente,

9 b. Tibi placita
atque accepta,
firmissima
cuncta per saecla.

10 a. Honor et virtus,
fortitudo,
laus et Imperium
decusque maximum

10b. Tibi, Domine,
nunc et semper
et per Infinita
saeculorum saecla.

11. Amen omnia

proclamant agmina
voce excelsa.