397. De una Electa.

la. Jubilemus regi caeli
Concentu devoti meli
Et Jesum mente fideli
Collaudemus Iugiter,

1b. Qui de valle miseriae
In patria laetitiae
Ancillam suam hodie
Provexit solemniter.

2 a. Haec Insignis pietate
Et referta charitate
Ac In omni sanctitate
Hic vixit humiliter.

2 b. Haec virtutum operatrix,
Salvatoris impetratrix,
Egenorum consolatrix,
Quos fovebat dulciter.

3 a. Signis miris corruscavit,
Aegros varios sanavit,
Claudis gressum reparavit,
Caecis visum pariter.

3 b. Sed jam sanctis sociata,
Manu Christi consecrata
Visione Deo grata
Laetatur feliciter.

4. Nunc, o mater pietatis,
Nos juva, ut a peccatis
Liberati cum beatis
Regnemus perenniter.