399. De quolibet festo.

la. Laude clara canticorum
Christum, regem angelorum,
Laudent Sion filiae,

1b. Qui de matre Incarnari

Venit, ut sic reformari

Possit status gratiae.

2 a. In praesepi reclinatur
Et a magis adoratur,

Post haec templo sistitur,

2 b. Fame, siti cruciatur,
Reprobatur, perforatur,
Vita morte clauditur.

3 a. Samson portae valvas pandit
Et asportans montem scandit
Mira cum potentia,

3 b. Sic te tribu Juda fortis
Leo portis fractis mortis
Die surgit tertia.

4a. Victor turmis cum duabus
Angelis et animabus
Redit ad palatia,

4b. Nova festa, mira gesta,
Regis nutum et obtutum
Trina tremit regia.

5 a. O quam felix civitas,
Quam jucunda curia,
In qua sponsi claritas,
Datur omnis gratia.

5 b. Sanctus, cujus hodie
Agitur solemnitas,
Clara regem facie
Jam videt In gloria.

6 a. Illic regina coelorum
Super choros angelorum
Fulget In rosario,

6 b. Rosa rubens et flos florum
Cum exercitu sanctorum
Nos commendet filio;

7. Ut In fine sine fine
Det nos frui cum beatis
Suae vultu claritatis.