400. De Omnibus Sanctis.

la. Nobis quos Iniquitas
Gravat et calamitas
Turbat, parce, trinitas
O beata.

1b. Subveni pauperibus,
Quae In mulieribus
Benedicta omnibus
Es praelata.

2 a. Angeli succurrite,
Vitam nostram regite
Nos ad regnum ducite
Claritatis.

2 b. Baptista cum patribus,
Patriarchis, vatibus,
Nos juvare precibus
Studeatis.

3 a. Principes ecclesiae,
Judicem justitiae,
Dum hora est gratiae,
Mitigate.

3 b. Evangelistae Domini
Sanctique discipuli,
Jesum nobis seduli
Complacate.

4 a. Torti poenis variis
Martyres, donariis
Non flexi nec gladiis,
Nos juvate.

4b. O sublimes praesules,
Animarum consules,
Hic degentes exsules
Defensate.

5 a. Agnelli pedissequae,
Virgines sanctissimae,
Sponso vestro Intime
Supplicate.

5 b. Ut vestram suffragium
Sanctorumque omnium
Nobis vitae gaudium
Det optatae.

ANALECTA HYMNICA

MEDII AEVI.