401

VARSAVIEN.

DISPENSATIONIS MATRIMONII

Die 1 Septembris i 89 4

Sess. 21 cap. 1 De reform, matr.

COMPENDIUM FACTI. Die vigesima Augusti 1889 Constantia Pietro wska, iuvenis 24 annorum, servata Tridentini forma, coniugale foedus inivit cum Ludovico Lubienski, et ipso 24 annos nato, in paroeciali ecclesia S. Alexandri, Varsa- viensis civitatis.

Huiusmodi nuptias, quae fausto omine inauguratae vide- bantur, haud pacifica cohabitatio secuta est. Ludovicus enim, ut mulier asseverat, cum ad coniugii opus impotens esset, inutiliter consummationis tentamina sexies vel septies repe- tita fuerunt, hinc convicia, contentiones. Huic animorum dissociationi et ansam praebuisse videtur viri prodigalitas, qui aere alieno obstrictus, ingentem pecuniae vim ab uxore quaerebat, strategemate etiam ad eam extorquendam adhibito. Quare quadrimestre post nuptias Constantia, suae conditionis pertaesa, coniugalem domum reliquit et paternos lares re- petiit.

Vir autem, post mulieris discessum, Constantiae matrem publice baculo percussit; furtum deinde patravit; hinc ad iudicium et poenam vitandam abiit, nec constat ad praesens ubinam commoretur.

Tunc Constantia iudicio archiepiscopali varsaviensi preces detulit, ut sacramentale coniugium ob viri impotentiam nul- lum declararetur.

Curia archiepiscopalis, precibus exceptis, curavit Ludo- vicum, cuius domicilium ignotum semper erat, in ius vocare per citationem tribus ephemeridibus, ter insertam.

EX S. CONGREGATIONE CONCILII

Acta, Tom. XXVII. fase. O CC XIX. 26