VARSAVIEN. 403

copulam omnino sexies vel septies ; ego semper marito cum affectu obsecuta sum, nihilominus tamen matrimonium non consummavimus et quidem ob eandem semper causam, sci- licet, quod maritus ad exercitium copulae carnalis inhabilis est... Maritum quod attinet, videtur mihi, ut iam dixi, im- potens , qua de causa maritus aliquot diebus post nuptias prolapsus est in irritationem atque dolorem quemdam capitis, dictum neuralgiam. Aliquoties monuit, praeceptum sibi fuisse a medico, ut quamplurimum vini et cerevisiae biberet. Ali- quoties questus est apud me maritus, quod non posset adim- plere debitum coniugale, ac semel etiam in momento exacer- bationis dixit, oportere forsan, ut nos fluctibus immergendos traderemus.

Mulier, prosequitur defensor, ob altum silentium serva- tum, et ob rerum maritalium ignorantiam, nonnisi post se- parationem a viro scivit, virum impotentia detineri, et hac unice de causa, non autem ob continuas vexationes ab eo- dem illatas, sui matrimonii dissolutionem petiit. Haec enim- vero fatetur : Initio declaravi, pro certo matrimonium a me consummatum non esse. Quantumvis molesta fuerit conver- satio mea cum marito et licet hic aes alienum conflaverit, non tamen ideo postulo matrimonii dissolutionem ; sed quia coniugium jhoc propter impotentiam mariti hucusque con- summatum non est.

Constantiae vero testimonium plurimi faciendum esse, tuetur, attenta eiusdem eximia probitate ac religione, quod testes septimae manus, omni exceptione maiores, unanimiter edicunt ; quin imo nonnulli etiam de viri impotentia men- tionem faciunt. Mater sane mulieris fatetur : Filia mea est devota, proba et honesta et quae nulla in re, ne in prae- senti quidem causa... mendacium, vel eo magis periurium admiserit. Pater deponit : attestor, filiam meam Constantiam esse mulierem religiosam et quae nulla in re mendacium, nedum periurium, admiserit. Addit, illam a viro discessisse eo quod hic, insolenter tractabat uxorem et impotens erat ad obeundum debitum coniugale. Plene persuasum habeo fi-