DERTHUSIEN. 419

tentu contrariae consuetudinis etiam immemorialis in propria Ecclesia vigentis se ab huiusmodi onere (celebrandi missas conventuales) eximi posse sibi persuaserunt. Verum iam pluries responsum fuit huiusmodi consuetudinem, licet im- memorialem quae potius abusus et corruptela dicenda est, nemini suffragari ».

Quoad decretum iussu Ferdinandi Hispaniarum regis edi- tum, notat, responderi posse flocci faciendum esse Principis laici hac in re responsum, sacris canonibus et constitutioni Benedicti XIV Quum semper oblatas, apertissime contra- rium : quum nullam facultatem publicae conventiones illi tribuerint, sese immiscendi moderando Capitulorum regimini vel Canonicorum iuribus praefiniendis, spretis Pontificiis san- ctionibus. Sed argumentum adversariis regerit aiens, hoc de- cretum noluisse Dignitates adigere ad celebrationem missa- rum conventualium, antequam concors de hoc obtinuisset di- sciplina in omnibus Hispaniae Ecclesiis, quae tamen hodie plene obtinet.

Praescriptioni vero a Dignitatibus oppositae, advertit orator, deficere bonam fidem quae semper et quocumque in praescriptionis momento necessaria est. Nam non ignorare potuerunt omnes illi Clerici, qui deinceps Cathedralis Der- thusiensis Capituli Dignitates iussi sunt, quaenam illis im- ponerent officia suae Ecclesiae statuta. - In confesso est hosce omnes Clericos beneficium ingredientes iurando spo- pondisse statuta se fideliter observaturos.

Sed quamvis quis, id animo fingens, quod prorsus absur- dum est, sumere vellet omnes Ecclesiae Cathedralis Derthu- siensis Dignitates tam inconsulto semper egisse, ut obliga- tionum, quas erant suscepturae, cognitionem non caperent, et legem se custodituras iurarent, cuius nullam habebant notitiam : haec porro ignorantia bonae fidei fundamentum esse non posset. Ageretur enim de errore iuris, qui num- quam excusat ; in praescriptione autem apertissime reiicitur « iuris ignorantia in usucapione negatur prodesse, facti vero ignorantia prodesse potest » I. IV, ff. de iur. et fact. ignor.