426 DERTHUSIËN-

stitutionis obligationem ». Glossa in c. Constitutionem* verb. statutum de verb. signi f. in 6, cap. Cum accessissent 8 de const., cap. Dilectus de cleric. non resident., arg. cap. Ex litteris 1 de const.; Ceccoperius lue. can. lib. IV, tit. X, § 43, et tit. Xl, § 1; Reiffenstuel ius can. univ. ad tit. de const., § 49 n. 88, qui plures affert Rotae Romanae sen- tentias.

Hisce utrinque relatis, propositum fuit dirimendum

D u b i u m

An Dignitates teneantur Missas conventuales celebrare et peragere servitium hebdomadarum chori et altaris ac reliqui canonici in casu.

RESOLUTIO. Sacra C. Concilii re disceptata sub die 1 Se- ptembris 1 8 9 4 censuit respondere : Perpensis omnibus, af- firmative.

Ex QUIBUS COLLIGES: I. Quando agitur de tollendo iure uni et acquirendo alteri praescriptione opus esse, non con- suetudine.

II. Etenim per consuetudinem itur contra vel praeter ius commune ; per praescriptionem agitur insimul de praeiudicio tertii ; cui, ut discrimen afferatur, vera praescriptio adesse debet, non consuetudo.

III. Differre inter se consuetudinem et praescriptionem patet; nam consuetudinis, fundamentum est assensus, saltem praesumptus, legislatoris, dum praescriptio tota innititur in possessione vel quasi iuris possessione, certo modo, et certo tempore habita.

IV. In themate videri agi de praescriptione ; eo quod Canonici sive ex iure communi, sive ex capitularibus sta- tutis anni 1 8 5 2 ius acquisiverant, ut a Dignitatibus coadiu- varentur in explendis muniis canonicalibus.

V. Praetensam immunitatem Dignitatum legitima prae- scriptione acquiri non posse ; quum ex Doctorum sententia praescribi nequeat contra disciplinam ecclesiasticam.