428 ASCULANA

cuiuslibet : ob cleri paucitatem oportere ut, praeter officia choralia, complurima sacra officia adimpleant, quae cum of- ficiis choralibus minime conveniunt ; et ideo saepe accidisse ut altera posthaberentur dum aliis fieret satis : qua de re exposcere ab Apostolica Sede quatuor vacationis menses, loco trium: quo facilius etiam aliis officiis satisfiat quin chori servitium detrimentum capiat.

Episcopus pro voto et informatione, uti de more, inter- pellatus ita respondit, die 13 Martii 1894:

« Officia, quae requirunt maiorem laborem et studium ad praesens in hac civitate commissa sunt praesertim cano- nicis huius perinsignis cathedralis basilicae, ob cleri regu- laris et saecularis deficientiam. Revera meus vicarius Ge- neralis, cancellarius episcopalis, rectores in duobus Seminariis et directores spirituales, scientiarum magistri, uno tantum excepto, nec non monialium confessarii, in magna parte, sunt canonici.

« Chorales vacationes ita sunt distributae ut per turnum quisque suam hebdomadam habeat, et ea frui debet dum con- tingit et non aliter; cum vero numerus hebdomadarum, propter tempus a lege exceptum, tres menses conciliares in anno non attingat, quisque addit tot dies ad beneplacitum, quot sunt necessarii ad tres menses conciliares complendos, qui dierum numerus variât inter viginti, vel quinque et vi- ginti.

« Ob rationes expositas hoc breve tempus non sufficit, ut quilibet ex canonicis suis diversis muneribus facere satis et ut aliquando honestam recreationem sumere possit, prae- sertim cum hebdomadales vacationes per turnum accipiendae sint : eapropter canonicorum petitio videtur mihi honesta eique favendum esse submisse putarem ».

D i s c e p t a t i o S y n o p t i c a

Si ius commune et S. C. C. iurisprudentia recolatur, canonicorum petitioni obstare videtur in primis scitissimum iuris principium ; nempe unumquodque beneficium dari pro-