440 EX S. C. RITUUM

Praefecti, atque audito R. P. D. Augustino Caprara, S. Fidei Pro- motore, re mature perpensa, ita propositis Dubiis rescribendum censuit, videlicet:

Ad I. Litaniae tantum quae habentur in Breviario, aut in recentioribus editionibus Ritualis Romani, ab Apostolica Sede approbatis.

Ad II. Negative. Atque ita rescripsit die 6 Martii 1894.

C. CARD. ALOISI -MASELLA Praefectus. L. * S.

ALOISIUS TRIPEPI Secret.

EX S. CONGR. INDULGENTIARUM

ORD. S. BENEDICTI Dubia quoad oblatos saeculares.

D. Godehardus M. Heigl Ord. S. Benedicti, Abbas Afflige- niensis et Visitator Provinciae Belgicae S. Indulg. Congregationi humiliter exponit :

In Congregatione Cassinen. Primitivae Observantiae erectum esse Institutum Oblatorum Saecularium cum quibusdam Statutis a S. C. E E . et R R . approbatis die 17 Ian. 1871, et Indulgentiis auctum per Decretum huius S. C. die 4 Iunii 1888.

Nunc vero quum varia exorta sint dubia circa naturam horum Oblatorum, humilis Orator postulat ut sibi declarentur quae sequuntur:

I. Suntne Oblati saeculares S. Benedicti considerandi sicut Tertiarii aliorum Ordinum ?

II. Potestne Oblatis Saecularibus S. Benedicti impertiri be- nedictio cum Indulgentia Plenaria iuxta formulam pro Tertiariis saecularibus approbatam a Summo Pontifice Leone X I I I die 7 Iulii 1882 ?

III. Possuntne Oblati saeculares S. Benedicti fieri Tertiarii alterius Ordinis, et viceversa ?

IV. Debentne Oblati saeculares S. Benedicti, qui simul sunt Tertiarii e x . gr. S. Francisci, S. Dominici etc. eligere Ordinem ad quem pertinere velint?