APPENDIX IV. 445

narratur nomine totius familiae eas conservari in aliquo loco honora- bili domus unius de familia. Si primum, tum certe conversi ad fidem, neque eas domi servare, neque aliis paganis de familia tradere possunt,

sed imo conterere, igni tradere atque disperdere debent ; atque ita a

missionariis docendum atque iniungendum est. Si vero praefatae tabellae

ad alterius dominium et proprietatem pertineant, tunc ad 1,2 et 3 dubium

responsum est, teneri quidem christianos nuper a gentilitate conversos

easdem superstitiosas progenitorum tabelias a propria domo tollere, sed

licite posse eas tradere aliis de familia ad quos pertinent, vel illos

monere ut illas tollant ac sibi sumant. Quemadmodum enim nefas esset

ut christianus huiusmodi tabelias, si sui iuris ac potestatis esse.nt, sibi

retineret, aut aliis traderet colendas ac venerandas, quod vel occulta-

tionem verae susceptae fidei redoleret, vel participationem superstitiosi

cultus; ita e converso, si tabellae ad alios pertineant, recens christianus

eas a sua domo removens ac domino reddens, tum novam a se susce-

ptam fidem testatur, abdicans ac reiiciens superstitiosum illarum cul-

tum, tum iustitiae praecepto satisfacit quod iubet ut quod nostrum non

est domino restituatur.

Ad 4. Pari iure idola, quae proselytus iure depositi servat, suis

dominis sunt restituenda.

Ad 5. Cum territoria venduntur, videtur quod cum fundi dominio

in emptorem transferatur etiam ius et proprietas idolorum aut orato-

riorum idolis dedicatorum, quae in fundo sita sunt. Si res ita se habet,

tenetur christianus idola tollere ac oratoria destruere, vel in aliam

formam ac usum ita redigere, ut nulla amplius species appareat ora-

torii idolis consecrati, et omnis superstitiosi cultus removeatur occasio.

Monere autem etc.

S. C. S. Officii 17 Febr. 1875. - Vic. Ap. Cocina Orient. Dubia quoad expirat ionem sepulcrorum parentum.

I. Cum paganis, tum christianis, in hac Missione Gocincinae Orien-

talis, mos est parentum sepulcra expurgare atque reficere, praesertim

mense duodecimo cuiuslibet anni : nonnulli tamen mense undecimo

vel etiam primo anni sequentis id peragunt. Cum enim hoc tempore,

autumnalis inundatio iam finem habuerit, populusque magis opere vacet,

nulla certe alia anni tempestas tam opportuna ad id faciendum apparet-

II. Nulla autem, nec a rege, nec a provinciarum praefectis, nec

a maioribus pagi, fuit praefixa dies, quae a solis familiis, prout cuilibet

placuerit, constituitur.