452 APPENDIX IV.

nicatio sit in divinis, et proinde de genere prohibitorum; quod idcirco

inhibeat parocho Nicolao Giorga etiam sub poena privationis parochiae

in casu inobedientiae, ne audeat schismaticus admittere in relata pro-

cessione. Quatenus vero ab huiusmodi provisionibus rite capiendis oriri

possent"gravissima scandala, et eiusdemmet Archiepiscopi perturbationes,

ac persecutiones in eius persona, et forsan etiam, quod absit, expulsio,

pro sui arbitrio et prudentia se gerat, ac dissimulet, ad peiora mala

vitanda.

S. C. S. Officii IO Maii 1753. - Miss. Teños in Peloponneso.

Dubia quoad communicationem in divinis inter catholicos schismaticos

et haereticos.

1. An liceat catholicis latinis concedere vel permittere, ut in eorum

ecclesiis Missam celebrent presbyteri graeci ritus schismatici et haeretici,

atque hos admittere in funeribus catholicorum defunctorum.

2. An liceat catholicis graeci ritus non habentibus catholicam ec-

clesiam eiusdem ritus communicare in divinis cum graecis schismaticis

et haereticis.

3. An liceat confessariis vel sacerdotibus latinis administrare Sa-

cramentum Poenitentiae graecis catholicis communicantibus in divinis

cum graecis schismaticis.

R. Ad 1. Ad primam partem dubii : Non l i ce re ; maxime cum Pa-

triarchae. Constantinopolitani commemorationem faciant, et festum ce-

lebrent infamis Palamas. Id enim perinde est ac consentire eorum

haereticis ritibus, et communicare cum eis in eorum sacris, schismatico

et haeretico furfure pollutis ; aut saltem occasionem praebere catho-

licis, ad latinas intervenientibus ecclesias, communicandi cum haereticis

in divinis rebus, aut ad minus scandalum concipiendi. Quo vero ad se-

cundam partem eiusdem dubii, quatenus schismatici comitantes funera

catholicorum meram praesentiam materialem exhibeant, causa honoris

civilis erga defunctos, non se immiscentes precibus ac ritibus catho-

licis, quibus mos est ad funera efferre, et defunctos ad sepulchrum

deducere: tolerari posse ; quatenus vero in illa functione proprios

ritus adhibeant, vel nostris se immisceant : non licere, nec esse per-

mittendum.

Ad 2. Non licere, quia in casu proposito confugere possunt ad

ecclesiam, catholicam latinorum, et in defectu sacerdotis catholici ritus

graeci, a sacerdotibus latinis Sacramenta suscipere.

Ad 3. Non licere extra casum extremae necessitatis.