457

PANORMITANA

NULLITATIS MATRIMONII

Die 1 Septembris 1894.

Sess. 24 cap. 6 de ref. Matr.

COMPENDIUM FACTI. Nympha Spina Panormi nata, puella venustate prae fulgens et sexdecim annos nata, anno 1864, e parentum domo aut vi rapta, aut ex condicto fugiens, cum avúnculo suo, Evaristo Branciforte, ipso quoque cive Panormitano, in rustica aede venit, ibique incesti crimen patratum fuit. Post triduum anxii parentes, concursu etiam publicae auctoritatis, filia reperta, eam in reclusorio, Can- delorae nuncupato, collocaverunt.

Nymphae pater ac frater mortem raptori minabantur, sed amici operam interponen tes, patri suadere visi sunt ma- trimonium Nympham inter et Evaristum, cum nil aptius praedicarent ad ulciscendam iniuriam familiae illatam in- veniri .

Cum vero a puella consensus requireretur, acriter quibus- vis instantiis restitit, (ipsa ait), declarans se nunquam ad Ec- clesiam, vel ad civilem magistratum perrecturam esse ad invisum illud matrimonium contrahendum.

Exinde parentes, si fides adiungenda est depositionibus ab actrice et testibus dictis in iudicio Panormi agitato, no- mine sponsorum, sed inscia Nympha, a S. Sede dispensa- tionem ab impedimento dirimente consanguinitatis, sed ta- cito in petitione raptu mulieris, petierunt ; quae cum Or- dinario panormitano "pro executione commissa esset, novae preces Beatissimo Patri, quo sospite laetamur, porrectae fue- runt, ut dictae dispensationis executio Emo Cardinali Urbis Vicario demandaretur ; quod pariter benigne concessum est.

EX S. CONGREGATIONE CONCILII