476 PANORMITANA

D u b i u m

An sententia Curiae Panormitanae diei 8 Iulii 1882 sit confirmanda vel infirmanda in casu.

RESOLUTIO. Sacra C. Concilii, re discussa sub die 1 Se- ptembris 1894, censuit respondere: affirmative ad primam partem, negative ad secundam.

Ex QUIBUS COLLIGES: I. Raptum esse violentam mulieris abductionem de loco tuto ad locum, ubi ponatur in potestate raptoris, matrimonii ineundi causa.

II. Qua de re ex raptu, etiam consummato, impedimen- tum dirimens non exurgere, si fìat ad explendam libidinem minime vero ad matrimonium ineundum.

III. Rite firmatam fuisse in casu Curiae sententiam, quae validum habuit matrimonium, tum quia raptus non fuit probatus, tum quia si adfuit non ad matrimonium in- eundum, sed ad iniuriam patri mulieris inferendam dire- ctus fuit.

NOLANA

ANNUAE PRAESTATIONIS

Die 1 Septembris 1894. Sess. 25, cap. 3 De ref.

COMPENDIUM FACTI. In Dioecesi Nolana mos est ut, die 25 Aprilis, Divi Marci festo, universus clerus obedientiae signi- ficationem suo Episcopo praebeat, coram eo sistens in Eccle- sia Cathedrali. In Synodis Dioecesis remotiorum et proxi- morum temporum huiusmodi mos firmatur, permissione per consuetudinem introducta, commutandi hoc onus in due tari, respondentes 85 centesimis partibus nostrae pecuniae, sub comminatione censurarum contra legis transgressores. Usque ad annum 1892 clerus Turris Annuntiatae hoc pacto suae obligationi satisfecit, at anno insequenti die 25 Aprilis