486 GALLIPOLITANA

scopus capitularem resolutionem ad S. C. C. transmisit; qua Capitulares satagunt cohonestare operam suam referendo quod alter ex duobus iubilatis annos habet 80, alter ita la- borat nervis, ut nec loqui amplius expedite non valeat ; dum ex adverso praebendatus Calori longe abest ab incommodis- praedictorum canonicorum.

Verum orator in sua petitione perstitit aiens : indultum exemptionis sibi concessum a s. Sede, frustraneum reddi zelo et duritie Capituli erga seipsum. Cum Capitulum resci- ret quod quaestio proponenda esset plenis Comitiis, aliquan- tisper a priori sententia recessit declarando : sese excepto- rum quidquid disponeret in hac quaestione Apostolica Sedes.

D i s c e p t a t i o S y n o p t i c a

IUBILATIO INDULGENZA VIDETUR. Nova non est in Ecclesia disciplina, qua Canonici aliique sacris ministeriis addicti, vacatione donentur nihil de suorum beneficiorum fructibus amittentes, si per annos 40 continuos et laudabiliter inser- visse probatum legitime fuerit. Idque cautum fuisse patet tum ne Christi milites deterioris fierent conditionis militum saecularis Principis, quibus emerito post servitio requiem concessam fuisse traditur leg. 9 Cod. quoad Provinc., et leg. 6 de vocat, et excusad. ; tum ut Ecclesiastici in sacris obeundis muneribus alacriores, ac magis solertes fierent. Fagnan. in cap. Licet de praeb. n. 116.

De laudabili servitio a Canonico Calori praestito nulla- tenus dubitari posse videtur, post ea quae Ordinarius, licet iubilationis indulto infensus, S. C. C. scripsit: verum est, canonicum implevisse quadragenarium servitium chori, lau- dabiliter et absque interruptione; nec contra oratorem ni- mis attendendum videretur oppositioni Capituli, cuius vo- tum Sacra Congregatio non exquirit, ut consensum capitu- larium obtineat ad gratiam concedendam, sed eo solo fine eos audiri mandat, ut de laudabili continuo servitio per an- nos 40 certo constet, et causae detegantur, si forte adsunt, quae porrectis precibus obstent. Neminem siquidem latet etiam