488

AURELIANEN. Beatificationis et canonizationis Ven. Servae Dei Ioannae de Arco.

S y n o p s i s v i t a e .

A Iacobo de Arc et Isabella Rome ortum duxit Ancilla Dei Ioanna de Arc die 6 Februarii anno 1412 in pago Dom- remy in Lotheringia. Baptismum suscepit in ecclesia S. Re- migii huius pagi, uti plures testes in Apostolico Processu, anno 1455 iussu Summi Pontificis Callisti III in eo etiam pago confecto, fidem perhibuerunt. Ex hoc Processu paren- tum quidem S . D . pietas apparet, cum dictum sit : « erant boni et fideles catholici, bonique laboratores et bonae famae ». Propriam ipsi filiolam catholicae religioni optime institue- runt , eiusque mater peculiari cura eam bonis moribus im- buit. Hinc de sua prima iuventute oculati testes declararunt: « erat bona et simplex filia, Deum timens, in fide sufficienter instructa, bonae, simplicis ac dulcis conversationis ». In pa- terna domo cum moraretur suppetias ferebat agricolis paren- tibus ope manuum suarum : « in domo patris nebat canapum, lanam, et aliquoties cum patre ad aratrum ibat, et ad tur- num animalia custodiebat ».

Non solum vero erga parentes officia exactissime Puella adimplebat, sed et religionis ac pietatis. Adeo enim cor eius devotione flagrabat, ut omnium admirationem sibi concilia- verit ; atque ipse Parochus pagi aiebat : « quod nunquam meliorem ipsa viderat, nec in sua parochia habebat ». Di- vina Sacramenta saepissime suscipiebat ; praescripta ieiunia servabat; ecclesiam continue frequentabat; Sacro quotidie aderat, et ante Crucifixi ac Beatissimae Virginis imagines ferventissimas fundebat preces. Diebus festis dum aliae puel- lae animum relaxabant atque choreis indulgebant, ipsa ibat ad ecclesiam ferebatque candelas, quas SSmae Virgini offe- rebat; die autem sabathi, propter devotionem erga Eam, ad solitarium locum, nempe ad ecclesiam B. M. V. de Bermont, peregrinabatur. Tanto insuper amore erga Deum ac cultum Ei debitum efferebatur, ut sub vespero, etiam cum in agris esset, statim ac ecclesiae campanam audiebat, flexis genibus

EX S. CONGREGATIONE RITUUM