492 EX S. G. RITUUM

Puellae multum credebat, et ipsis dictis et eiusdem amore divino, ut credit, inflammatus erat. Et-credit quod ipsa erat ex Deo missa. .. Dixit iterum quod, tamdiu quamdiu in eius comitiva fuit, ipsam bonam, simplicem, devotam, bonam christianam, bene conditionatam et Deum timentem reperiit ». Quod et alii itineris socii plene confirmarunt.

In Cainonis civitatem (Chinon) apud Regem perventa Ancilla Dei, alia obstacula pati debuit. Aliqui enim ex con- siliariis Regis dicebant nullam ei adhibendam esse fidem. Transactis vero paucis diebus, cum Rex certior factus fuisset a Roberto de Baudricuria Ioannam, prodigiose inter hostes, multa flumina ad vadum transivisse, ut ad eum perduceretur, data fuit ipsi audientia. Rex (uti oculati testes deposuerunt) « se traxit ad partem extra alios, ipsa tamen Ioanna bene cognovit eum, et ei reverentiam exhibuit ». Postea ita Regi loquuta est: « Gentil Daulphin, j 'ai nom Iohanna la Pu- eelle, et vous mande le Roy des cieulx per me, quod vos eritis sacratus et coronatus in villa Remensi, et eritis lo- cum tenens Regis coelorum qui est Rex Franciae ». Post multas interrogationes, quas Rex ei fecit, ita respondit Io- anna: « Ego tibi dico ex parte de Messire, que tu es vray héritier de France et filz du Boy; et me mittit ad te pro te ducendo Remis, ut ibi recipias coronationem et consecra- tionem tuam, si volueris ». His auditis, Rex dixit adstan- tibus Ioannam aliqua secreta sibi etiam revelasse « quae nemo sciebat aut scire poterat nisi Deus; quare multum confide- bat de ea ». Attamen Rex nolens adhuc aliquid facere nisi ab ecclesiasticis viris consilium haberet, Ioannam misit Picta- vium ut a Doctoribus Universitatis examinaretur. Transactis tribus hebdomadis, Doctores Regi retulerunt nihil inventum esse in Ioanna fidei catholicae contrarium: « En elle on ne trouve point de mal, fors que bien, humilité, virginité, de- voción, honéstete, simplesse ». Unus ex Doctoribus, Fr. Se- guinus Seguini, sacrae theologiae professor, ab ea aliquod signum requirebat, cui Puella respondit: « Je ne suis pas venue à Poitiers pour faire signes, sed ducatis me Aurelia- nis, ego ostendam vobis signa ad ea quae ego sum missa ». Omnes hinc Doctores concluserunt : « quod attenta necessi- tate eminenti et periculo in quo erat villa Aurelianensis,