EX S. CONG. S. R. U. INQUISITIONIS

DECRETUM. De lege ieiunii et abstinentiae anticipanda vel dispensanda ab Episcopis.

Feria IV die 5 Decembris 1894.

Cum recenter ad hanc Supremam Congregationem S. R. et U. Inquisitionis a compluribus Episcopis pervenerint petitiones, quarum omnium una mens era t , abstinentiae legem, de qua valde solliciti sunt , magnis in populorum concursibus aegre admodum ac difficulter variis de causis posse servari et damno potius animarum quam saluti praebere occasionem, Eminentis- simi ac Reverendissimi Domini S. E. R. Cardinales contra hae- reticam pravitatem in universa christiana republica Generales Inquisitores, in plenario comitio dictae feriae IV die 5 Decem- bris 1894, re integre proposita ac mature perpensa, decreverunt ut infra, scilicet:

Supplicandum Sanctissimo ut Episcopis aliisque locorum Ordinariis concedere dignetur facultatem anticipandi die sibi be- nevisa atque ob gravissimas causas etiam dispensandi super lege ieiunii et abstinentiae, quando festum sub utroque praecepto ser- vandum Patroni Principalis aut Titularis, vel solemne aliquod festum item magno populorum concursu celebrandum, inciderit in ferias sextas aut sabbata per annum, excepto tempore qua- dragesimae, diebus quatuor temporum et vigiliis per annum ieiunio consecratis; atque ut eadem anticipandi seu etiam gra- vissimis de causis dispensandi potestate uti possint pro diebus, quibus nundinae extraordinariae, magno item populorum con- cursu, habeantur.

Habita autem per R. P. D. Assessorem S. O. relatione san- ctissimo Domino Nostro Leoni Papae X I I I , idem Sanctissimus Dominus praesens decretum ratum habuit et confirmavit ac omnibus et singulis locorum Ordinariis facultatem, de qua agi- tur, perpetuis futuris temporibus concessit ac attribuit, facta tamen in singulis casibus mentione apostolicae dispensationis.

Ios. MANCINI, S. R. et U. I: Notarius.