uz

EX ACTIS CONSISTORIALIBUS

De Consistorio habito die 18 Martii 1895.

S S m u s Pater Leo X I I I habuit hac die in Palatio Apostolico Vaticano Consistorium secretum, in quo pronuntiavit sequentem allocutionem :

ALLOCUTIO Sanctissimi Domini Nostri Leonis Divina Providentia Papae XIII habita

in Consistorio die 18 martii 1895 ad S. R. E. Cardinales in aedibus Vaticanis.

Venerabiles Fratres

In litteris Nostris ad Venerabiles Fratres Hungariae Episcopos semel atque iterum miss is , cum prospiceret animus quid illic temporum cursus afferre catholico nomini videretur, non obscure significavimus futurorum incommodorum sollicitam expectatio- nem. Revera coepere, quae metuebamus, opinione citius erum- pere. - Facile coniicitis quorsum Nostra pertineat oratio : ad ea nimirum, quae haud ita pridem placuit de coniugiis in Hungaria decernere. Ratum lege matrimonium, quod civile vocant: per- missa divortiorum facultas: iussum, nuptias inire more catho- lico licere, sed civili ritu antea perfunctis.

Omnia profecto, ut debuerant, experti ac periclitati Episcopi sunt ut ab Ecclesia, a civitate tantum mali defenderent: elaboravit eodem proposito cum Episcopis Clerus : sedulam dedere operam quotquot ex utroque legumlatorum ordine salvam volunt acce- ptam ab avis et maioribus fidem. Quibus tamen omnibus frustra insumptus est pro caussa iustissima sanctissimaque labor : plus ii valuere, qui cívicos profanare mores, remque Hungaricam in anfractus compellere rerum novarum iamdiu connituntur. At- qui vereri religionem oportebat, cui maxime firmitudinem imperii gloriamque nominis Hungaria debet: pro qua toties adversus immanes hostium impetus memorabili virtute dimicavit: quam ipsam, per summa saepe discrimina inviolate servatam, hodie- que multo maxima pars studiose et constanter, ut praestantis- simum bonorum, tuetur.

Haudquaquam in animo est, nec ceteroqui necessarium, plura eloqui quo appareat cuiusmodi eae leges sint, quas modo memoravimus, quasque variis temporibus easdem romani Pon- tifices decessores Nostri, ut veritas postulabat, praeiudicavere,

Acta, Tom. XXVII. fate. GOG XXI. 33