EX ACTIS CONSISTORIALIBUS 515

volentes, non sanctitas iuris, non officii conscientia ullo modo patitur. Legitimam apostolici muneris libertatem, Sedisque Apo- stolicae iura omnia vindicamus, eodemque tenore constantiae nullo non tempore vindicabimus.

Ceterum auctoritatem muneris Nostri primum omnium po- stulat hodierna die Ecclesia Chaldaica, videlicet suo orbata Pa- triarcha ob interitum venerabilis Fratris Petri Eliae Obolonian, quem Nosmetipsi Patriarcham Babylonensem Chaldaeorum rite olim in Consistorio conflrmavimus. Is pie cessit e vita anno proximo superiore, die X X V I I mensis Iunii, integritate, religione, beneficentia commendatus. Cui viro haec quoque tribuenda laus, quod, nominatim postea quam decreta ac iussa omnia Constitu- tionis Pianae Cum ecclesiastica disciplina demississime accepisset, reliquo tempore in obsequio Apostolicae Sedis permansit libens et constans. - Eo igitur demortuo, Episcopi Chaldaici ritus in templum Beatae Mariae Virginis prope pagum Alkosch ad syno- dum congregati, cunctis suffragiis dixere Patriarcham venerabi- lem Fratrem Georgium Ebed- Iesum Khayyath, Archiepiscopum Amidensem seu Diarbekirensem Chaldaeorum. Litteras hac de re Nobis misere Episcopi suffiragatores : itemque misit Patriarcha electus, adiecta fidei catholicae, ut assolet, suique erga romanam apostolicam Ecclesiam obsequii professione : quibus eisdem litte- ris cum is, tum illi postulant ut electionem confirmare sacrique Pallii honorem electo tribuere auctoritate apostolica velimus. Perspectis quidem ornamentis animi et ingenii, quae venerabilem Fratrem Georgium Ebed - I e sum Khayyath commendant, explo- rata spes est, futurum ut communem expectationem digne ex- pleat, collatamque dignitatem magna cum salute Ecclesiae Chal- daicae gerat. Tota hac caussa sacro Consilio Nostro fidei chri- stianae propagandae negotiis Ecclesiarum Orientalium ad cogno- scendum permissa , de ipsius sacri Concilii sententia venerabi- lem Fratrem supra dictum in Patriarcham Babylonensem Chal- daeorum confirmandum, eique Pallium, de Beati Petri corpore sumptum, hodie concedendum censuimus.

Itaque auctoritate omnipotentis De i , sanctorum Aposto- lorum Petri et Pauli ac Nostra, confirmamus et approbamus electionem seu postulationem a venerabilibus Fratribus Episcopis Chaldaici ritus factam de persona Venerabilis Fratris Georgii E b e d - I e s u Khayyath, eum praeficientes in Patriarcham et Pa- storem Ecclesiae Babylonensis Chaldaeorum, prout in decreto