522

EX S. CONGREGATIONE CONCILII

GNESNEN, ET POSNANIEN.

MATRIMONII

Die 23 Iulii 1892 et 1 Septembris 1894.

Sess. 24 cap. 9 De reform, matr.

COMPENDIUM FACTI. Martinus 2 8 annos natus matrimo- nium catholico ritu contraxit die 4 Februarii 1 8 8 4 cum puella 17 annorum, Marianna, in ecclesia parochiali archi- dioecesis Gnesnensis ; at infausto prorsus omine, cum Ma- rianna, alii amasio iam antea addicta, nonnisi per metum a proprio patre incussum ad nuptias cum Martino cele- brandas coacta videatur. In primis enim Marianna ipsa, in supplici libello Curiae archiepiscopali gnesnensi dato sub die 21 Aprilis 1 8 8 8 , asseverat :

« Ad matrimonium hoc ineundum coacta fui a patre meo, qui minatus est me necaturum, si Martinum in ma- trimonium non ducam. Imo factum est, ut pater gladio me transfigere voluerit, quum matrimonium hoc respuebam .. . . uti filia 17 annorum inii quidem matrimonium, sed tamen propter minas et vitae meae securitatem, contra meam vo- luntatem et cum invincibili abiectione erga Martinum » et hanc coactionis metusque incussi rationem assignat : « Pater meus, qui debebat Annae Wyngriskae in Rubin ducentos taleros, totus in hoc erat, ut adiumento pecuniae, a Martino praestito, subhastationem fundi sui, quae a iudicio civili iam erat decreta, averteret ».

Concinit Mariannae pater, qui iuratus deposuit: « con- cedo Mariannam filiam meam a me ad matrimonium cum Martino coactam fuisse. Matrimonium hoc opportunum mihi videbatur, quia istius pecuniis venditionem sub hasta domus meae abstuli.... et confiteor, nisi ipsi minitatus fuerim, eam non contracturam fuisse ».