528 GNESNEN. ET PÓSNANIEN.

percussisse.... Confiteor, nisi ipsi minitatus fuerim, eam non contracturam fuisse.... Non memini, num gladium su- pra ipsam vibraverim, sed hoc certo scio, me ipsam gladio non percussisse ». Hisce verbis minae natura sua graves certe non adeo clare continentur. Sane verbera aut minae de verberibus infligendis sunt sine dubio ratio gravis timoris ; at « probabiles » minae de verberibus aut verbera, cpiorum quis non recordatur, vibratio gladii, cuius non meminit, non sunt certa testimonia de obiecto metus gravis. Item illa circumstantia, quod Marianna sine minis non contraxisset istud matrimonium, probat existentiam minarum, sed non il- larum gravitatem ; nam si quis minis levibus adigitur ad rem faciendam, etiam nisi minitatio facta fuisset, a re fa- cienda abstinuisset. Quare ut ex confessione patris Mariannae eliciatur probatio de metu gravi ex natura minarum, unice restat modus quidam loquendi, secundum quem coactio ita absolute enuntiata denotat coactionem per violentiam gra- vem, non per metum levem. Hinc alii testes adeundi sunt, ut de qualitate minarum maior habeatur certitudo.

Qua In re sane non magnam vim habet, quae testatur Catharina Neumann : « Ante nuptias narrabat mihi, i. e. Marianna, patrem sibi minatum esse verbera » aut si Emilia Rhode in actis declarat : « Narrasse quoque Mariannam, pa- trem ipsi minatum esse non solum verbera et eiectionem e domo, sed etiam de facto verberasse ipsam. Propriis oculis se non percepisse, illum eam verberasse, audivisse tantum ipsi illum minatum esse, nisi Martino nupsisset, se ipsam flagellis caesurum (contusurum) et e domo eiecturum esse ». Profecto minae verberum, verbera, eiectionis e domo com- minatio constituunt gravem vim illatam ex ipsa natura et materia minarum. Cfr. cit. Instr. S. C. de Prop. F. § 37 ; « Eiectio e paterna domo . . . . verbera » tanquam exempla allegantur. Verum enim vero in casu duae illae mulieres verbera illa ipsae non viderunt, neque suis auribus minas illas patris Mariannae audierunt, sed universam rem perce- perunt ab ipsa Marianna ; ergo duplex istud testimonium