536 GNESNEN. ET POSNANIEN.

lidatio non fuerit facta in forma substantiali a Concilio Tri- fìentino cap. Tametsi praescripta. Nam certe in regione ista, de qua agitur, pro matrimoniis inter catholicos omnino est servanda ; porro in casu impedimentum vis et metus nequa- quam fuit occultum, sed publicum. Feije 1. c. n. 90 innixus doctrinae Benedicti X I V de impedimento publico vel occulto docet : « Prudentis arbitrio id est relinquendum ; sunt tamen adminicula, quibus eius arbitrium facile dirigatur et solutio multum pendet a loci ac personarum qualitate. Quod spectat ad locum non sufficit impedimentum latere maiorem partem incolarum. Occultum tamen dicitur, si quinque vel sex per- sonis in oppido, vel septem vel octo in civitate res nota sit, dummodo ab eis non fuerit divulgata ».

Atqui in casu non agitur de civitate quadam, sed de op- pido ; praeterea vis et metus imprimis nota fuerunt complu- ribus filiabus Catharinae Koralewska, quibus de exoso illo matrimonio narrabat Marianna ; ipsa quoque Catharina Ko- ralewska, Andreas Relis, Catharina Neumann, Emilia Rhode, Ridieger atque tres ultimae mulieres assistebant clamorosae isti scenae ipso die nuptiarum, quo Marianna clamabat et execrabatur parentes atque ad nuptias ire noluit, iam si talis res nota tot mulieribus natura sua loquacibus mansisset oc- culta, factum plane incredibile est supponendum.

Quae facta profecto non rem occultam, sed publicam et notoriam constituunt. Ergo forma Tridentina in conva- lidando matrimonio fuit necessario servanda. Quod cum factum non sit, matrimonio ab initio irrito valor non est restitutus.

VOTUM CANONISTAE. Die 4 Februarii 1 8 8 4 celebratum fuit matrimonium in Ecclesia in Wagrowiec Archidioecesis Gne- snensis inter Martinum 28 annos natum, et Mariannam 17 annos natam. At hoc vinculum non ligavit coniugum animos. Iam 1 Maii 1 8 8 6 obtinuit Martinus divortium civile et die 13 Maii 1 8 8 7 adiit Consistorium Archiepiscopale Gne- snense, ut etiam ab Ecelesia matrimonium suum invalidum declararetur, et 31 Decembris supplicem porrexit libellum