GNESNEN. ET POSNANIEN. o37

Archiepiscopo G-nesnensi et Posnaniensi, postulans senten- tiam nullitatis matrimonii ob defectum consensus, qui a Ma- rianna in matrimonii celebratione praestitus esset vi metuque coactus, necnon ob inconsummationem matrimonii. Marianna ex sua parte in supplici suo libello nihil de inconsummatione loquuta, dixit tamen : « uti filia decem septem annorum inii quidem matrimonium, sed tamen propter minas et vitae meae securitatem contra meam voluntatem et cum invin- cibili abiectione erga Martinum Vigore decreti iudicii civilis de die 1 Maii 1886 separata sum a Martino et nil obstat ut civiliter coram magistratu civili ad alias nuptias convolare possim, attamen uti catholica volo tantum copu- lari in ecclesia vinculo sacramentali ».

Hisce praemissis, aliquid adiecit consultor quoad histo- riam huius matrimonii.

Patri Mariannae, quum pauper esset et ei immineret venditio sub hasta domus suae, opportunum visum est ma- trimonium filiae suae cum Martino, cuius pecuniis sperabat se rem familiarem conservaturum esse.

Marianna tamen quum maxime abhorreret Martinum, nolebat ei nubere, et pater « vir animi ferventis », eam ad hoc matrimonium cogebat. Ipse postea confessus est « filiam suam a se coactam fuisse », addiditque « sibi persuasum esse eam aliter non fuisse contracturam hoc matrimo- nium ». Coram familiari suo « iuramento affirmavit, se sclopeto vel gladio eam interfecturum ». « Secundum meam sententiam, dicit testis ille, paratus erat ad minas in actum reducendas ». « Contuli me, testatur Catharina Ko- ralewska, ad patrem Mariannae, quem adprecata sum ne puellam ad matrimonium cogeret ; ipse mihi respondit : quid ista meretrix despicit talem virum, numquid velit, ut sine indusio exeamus? Nisi ipsi nupserit, occidam eam! » Marianna ante nuptias narrabat, patrem sibi minatimi esse verbera et eiectionem e domo, quae et alii audi vere, et de facto verberasse eam, quod, postea de hoc interrogatus, pater non negavit.