544 GNESNEN. ET POSNANIEN.

sibi timet imminere : quia si posset alia ratione malis me- deri, NON EST IUSTUS METUS. »

Quae cum ita se habeant, ad propositum dubium « An constet de matrimonii nullitate in casu » responsum sub- misse postulo « negative » sin minus dilata et compleantur acta processus iuxta instructionem dandam.

Hisce praenotatis propositum fuit dirimendum dubium. An constet de matrimonii nullitate in casu. Cui dubio sub die 23 Iulii 1892 respondit Sacra Congregatio : Dilata et compleantur acta, iuxta instructionem dandam a defensore matrimonii ex officio.

Instructio fuit sequentis tenoris : CAUSAE PROSEQUUTIO. « I. Examini subiiciatur parochus,

qui coniuges ad matrimonium admisit: quippe qui ad tra- mites Constitutionis - Nimiam licentiam - Benedicti XIV, ante nuptias tum sponsum tum sponsam seorsim caute, et ut dicitur, ad aurem exploravit, an ex voluntate sponte ac libenter et vero cum animi consensu in matrimonium vi- cissim coniungerentur.

« II. Compleatur examen testium septimae manus iu- xta § Deinde et seqq. Instructionis S. C. C. diei 22 Au- gusti 1840; quos inter excutienda omnino est Mariannae mater. Singuli autem testes accommodatis et urgentibus quae- stionibus ad facta ad rem facientia confitenda industriose adigantur ».

Examen iuxta instructionem confectum fuit, et novae exquisitae fuerunt animadversiones Consultoris canonistae ac defensoris vinculi.

VOTUM CANONISTAE. Huic mandato S. C. satisfactum est. Et quidem parochus interrogatus respondit : se aliter con- trahentes omnino non novisse quam occasione matrimonii ; se explorasse quidem sponsos at non seorsim, simul enim venerant ad examen antenuptiale. Quum nihil parochus no- visset de dubio aliquo circa plenam voluntatem sponsae, quum simul examini sese obtulissent et exhortationem exau- disset, quum praeterea ante nuptias bis confessum venis-