554 COMPOSTELLANA

« Quandoque vero, pecuniae ex hisce eleemosynis collectae, quae actu necessariae non sunt, custodiuntur penes Curiam Episcopalem per Officialem dictum Depositario de Fondos Pios, qui tradit illas, iussu Ordinarii, Parochis vel Recto- ribus Ecclesiarum, quando impendendae sunt in fines supra- dictos. Hoc invaluit ad vitanda furta et malversationes elee- mosynarum.

« Propterea infrascriptus Archiepiscopus Compostellanus scire cupit ab Emis PP. S. Congr. C. interpretibus :

« 1. Utrum Parochi vel Capellani aliquid, usque ad de- cem pro centum accipere possint pro collectione, asservatione et venditione eleemosynarum, de quibus supra.

« 2. Utrum Officialis dictus Depositario de Fondos Pios possit tuto recipere quinque pro centum propter custodiam pecuniarum, quae per ipsum asservantur. »

D i s c e p t a t i o S y n o p t i c a

PRAXIS SERVANDA VIDETUR. Perpenso principio aequitatis naturalis et evangelicae, nimirum dignus est operarius mer- cede sua, quaestionibus propositis affirmative videtur respon- dendum. Nec obstat retributio parochis aut cappellanis prae- stita ob respectivum officium ; nam oblationum administratio iis competit ex praecepto Concilii Provincialis, quod con- siderans hoc officium distinctum a munere pastoris anima- rum, idem poterat aliis tribuere. Atqui si unum munus alio non comprehenditur, retributio uni data, alteri adscribi non potest. Iamvero gestio administrationis harum oblationum, scilicet custodia et venditio frumenti, aliarumque specierum huius generis, sane est difficilis et laboriosa et toto coelo differt a cura parochiali, unde pro hoc munere eis specialis retributio assignanda videretur. Haec quoad parochos et cap- pellanos. Depositarios vero de Fondos Pios quod spectat, advertatur ipsis competere curam depositae pecuniae ex suo officio ; quocirca non videtur aequum quod specialem habeant mercedem ob pecuniam apud ipsos depositara, provenientem