556 COMPOSTELLANA

peraguntur, patet quomodo directe exinde oblationum admi- nistratores lucrum reportent. Quocirca rectior et iure com- muni conformior videtur illorum ratio agendi, qui, nulla recepta mercede, huiusmodi oblationes administrant. Nihilo- minus negari non debet, locum fieri posse aliquando speciali retributioni, si administrationis gestio importaret specialem laborem aut industriam suapte natura excedentem ordina- rium parochi administrandi munus : tunc enim aequitas sua- det operam administratoris aliqua retributione compensandam esse, determinandam, omnibus perpensis adiunctis, a prudentia Episcopi.

Quoad Depositarios de Fundos Pios nisi eorum officium constitutum sit apposite pro custodienda oblationum pecunia, quod non est verisimile, omnino immodica videtur retributio computata in quinque pro centum relate ad summas depo- sitas, quia ex proprio officio tenentur in Dioecesi ad hu- iusmodi operam praestandam in fundos pios ; quapropter solummodo aliqua speciali mercede donandi essent quando pecuniae oblatae depositio et custodia notabiliter aggravaret ordinarium laborem ; excepto semper casu, quo in susci- piendo officio se expresse obligaverint in custodiam cuius- cumque pecuniae summae, provenientis ex piis oblationibus. Quocirca huius generis retentio, qua de agitur, super sum- mis pecuniariis oblationum administratis aut depositis, sive in se, sive quoad modum improbanda videtur, salvo Episcopi prudenti iudicio in decernenda extraordinaria aliqua retri- butione pro extraordinariis circumstantiis et laboribus.

Hisce praemissis, quaesitum fuit quomodo postulatum Archiepiscopi esset dimittendum.

RESOLUTIO. Sacra C. Concilii re disceptata sub die 1 Se- ptembris 1 8 9 4 , censuit respondere : Ad I et II prout expo- nitur, negative.

Ex QUIBUS COLLIGES. Immerito videri, parochos aliquid correspectivi sibi tribuere pro oblationum administratione quae iure inhaeret eorumdem officio ; et quia eaedem obla- tiones haud parvum constituunt emolumentum parochis.