562 AUGUSTANA VINDELICORUM

emolumenta, se tuentur refutando singillatim argumenta ab Episcopo Augustano prolata.

Et primo quoad invocatam ex adverso observantiam re- ligiosi excipiunt, hanc introductam fuisse, quando ipsi ob- noxii erant persecutioni laicae potestatis, quo tempore ipsis impossibile erat iura ab Apostolicis Constitutionibus tributa exercere : at cessata persecutione et Ordine restituto, per se erumpit, dicunt, remoto obice etiam iura et. privilegia quasi iure jpostlimimi reviviscere debere. In specie vero quoad hospitale de Schweinspoint, observant, quod si ius associandi defunctos ad coemeterium adhuc non exercuerunt, id ex eo evenit quod praefatum hospitale proprium coeme- terium non habebat.

Quoad obiectam personalitatem iuridicam et independen- tiam hospitalis religiosi ita respondent, quod ipsum acquisitum et aedificatum fuit et instructum omnibus necessariis rebus, aere et expensis religiosorum ; ope eleemosynarum ab ipsis collectarum inibi aluntur infirmi, quibus ipsis opera caritatis impendunt : proinde hospitale erectum quidem est in ens iuri- dicum, sed ipsis spectat plena administratio et directio, et non sola temporanea directio, ceu vellet Episcopus.

Quoad partem vero formalem religiosi observant, quod hospitale de Schweinspoint est canonice erectum in eoque commorantur plus quam 12 religiosi : unde ipsi inveniuntur in conditione iuxta Breve Urbani VIII Cum sicut usu- fruendi privilegiis Ordini a S. Sede concessis.

Quin aliquid relevet oggestum ab Episcopo art. 21 su- pra relatae conventionis, nam scopus huius articuli fuit tantum numerare obligationes cappellani, ne hospitali dees- sent opera religionis, et non determinare iura et privilegia religiosorum.

Tandem religiosi expendunt argumentum deductum ex facto quod coemeterium sit extra hospitale prope paroeciale coemeterium : denegant ipsum posse appellari publicum, quia haec qualitas non diiudicatur ex situ, sed potius ex iure pertinentiae. Aliunde in comperto est iurisdictionem afficere