AUGUSTANA VINDELICORUM 563

praecipue personas : et si, ipso fatente Episcopo, religiosi defuncti, utpote exempti a iurisdictione paroeciali, associari possunt ad commune coemeterium absque interventu paro- chi, parili ratione in casu admitti id debet pro infirmis in hospitali decedentibus, cum eadem fruantur exemptione a parochi iurisdictione. Proinde religiosi réclamant omnia iura et privilegia sibi concessa ab Apostolicis Constitutionibus, nedum quoad exemptionem a paroeciali iurisdictione, sed etiam quoad ius funerandi et associandi ad proprium coe- meterium infirmos in hospitali defunctos et relativa perci- piendi emolumenta.

His utrinque summatim relatis, supposita sunt enodanda sequentia

D u b i a

I. An et quomodo hospitale de Schweinspoint exemptum sit a- iurisdictione parochi in casu ?

II. An et quomodo religiosis S. Ioannis de Deo in dicto hospitali existentibus competat ius associandi ad proprium coemeterium, absque interventu parochi, infirmos decedentes in praefato hospitali in casu?

III. An eidem parocho competant emolumenta funerum demorientium in dicto Hospitali in casui

RESOLUTIO. Sacra Congr. Episcop. et Regul. re disce- ptata sub die 8 Martii 1895 rescripsit.

Ad I. Affirmative in omnibus et amplius. Ad II. Affirmative, recto tramite et sine pompa et amplius. Ad III. Negative et amplius.