EX S. CONGREGATIONE RITUUM

BELLUNEN. et FELTREN. Dubia varia quoad sacras funtiones Hebdomadae maioris.

Die 1 Februarii 1895.

R m u s Dnus Salvator ioannes Baptista Bolognesi, Episcopus Bellunen. et Feltren. nonnulla Dubia Sacrae Rituum Congrega- tioni pro opportuna solutione humillime proposuit, nimirum :

In Dioecesibus Bellunen. et Feltren. plures extant Ecclesiae ad Regulares Familias olim pertinentes, quae, iisdem Regula- ribus initio huius saeculi per civile Gubernium dispersis, Clero saeculari attributae sunt. Hasce in Ecclesias, ubi mos viget per- agendi sacras Maioris Hebdomadae functiones, nonnullis abhinc annis , deficiente Sacerdotum numero, quaedam inductae sunt consuetudines, unde suborta sunt insequentis dubia:

Dub. I. An Passio Domini, deficientibus aliis ministris, can- tari possit a Diacono ministrante quoad textum Evangelistae, et a Celebrante quoad verba a Christo prolata; vel a duobus Diaconis, quorum alter sit ipse Diaconus ministrans: vel (si Subdiaconus ministrans sit in ordine diaconali) a duobus Missae ministris ?

Dub. II. An Feria V in Coena Domini liceat Missam canere cum alterius Hostiae delatione ad Sacellum (vulgo Sepulcrum), quamvis die sequenti, ea in Ecclesia, Missa Èraesanctificatorum non celebretur , eamdem Hostiam e Sepulcro in Sacrarium sub vesperam privatim deferendo? et quatenus Negative.

Dub. III. An liceat praedicta Feria V Missam canere absque alterius Hostiae consecratione et absque processione?

Dub. IV. Ubi vero nulla eadem Feria V habeatur functio, an possit sacra Pixis in suo Altari servari usque ad solis oc- casum, ut fideles, loco Sepulcri, ad Ssmam Eucharistiam ado- randam accedere valeant?

Dub. V. An pro altarium denudatione sufficiat mappas , seu tobaleas, ita complicare ut maior mensae pars nudata re- maneat, quum ipsae mappae ab Altaribus amoventur?

Dub. VI . In utraque Ecclesia Cathedrali, quibus diebus agitur Officium de aliquo Sancto, in cuius honorem dicatum sit alterum ex Altaribus lateralibus, Missa Conventualis celebratur