570 EX S. C. RITUUM

laborent. Hos inter insignem sibi gradum vindicare Venerabilis Romano existimandus est. Namque a bono, eodemque, ob tem- porum etiam asperrimam iniquitatem, prae ceteris arduo cer- tamine semel inito, Christi miles nunquam destitit, quin, sua non quaerens suique fere immemor, qua concionibus scriptisque exaratis, qua effusis ad Deum et Deiparam sanctam adsiduo precibus, qua praeclaris omnigenisque virtutum, potissimum vero patientiae, caritatis rerumque terrenarum contemptus, exemplis, sategerit concreditas sibi oves tum in fide morumque integritate apprime servare, tum ad salutis semitam, quae de- flexissent, reducere et ad coelestium amorem abripere. Magnum opus aggressus et ingenio in id unum intentus, ut omnibus omnia et forma gregis ex animo fleret, humano nulli indulsit solatio ; quodque sibi temporis a populo christianae pietatis mo- nitis instituendo superesset, in rerum divinarum commentatione, noctis intempestae silentio, penitus insumere suevit. Ecclesiae honori provehendo supra modum addictus ac in eo totus fuit, ut acerbas omne genus difficultates amoliretur, Deique gloriam longe lateque protenderei, nec plausibus hominum nec con vicus motus. Quo contigit, ut innumeras nancisci aerumnas, haud semel in vitae etiam discrimen adduci, et adversitates, quoad fieri potest, forti infractoque animo perpeti debuerit. His omnibus rite perfunctus, quo salebrosior evaserat labor, eo clariorem, parta demum victoria, sanctimoniae famam sjbi concil iava; quam altas ubique radices agentem non solum ratam haben- dam, verum augendam quoque Deus ipse suscepisse ferebatur plurimis charismatis, quibus affluit praestantissimus fieros, ne- dum cum vitam adhuc degeret, sed postquam etiam, anno octogesimo expleto, pretiosam in Domino mortem oppetiit; su- pernisque prodigiis, quae ad eius interventionem magis magisque patrata enarrantur. Haec fecere, ut vel ipsi Pius VIII et Gre- gorius X V I , Pontifices Maximi, summa eum virtutis opinione habuerint et magnum Dei famulum sanctumque inter parochos nomine compellare non dubitaverint. Mirum autem quam enixius in dies augerentur vota, ut opportune propositum ,in Vincentio Romano sanctitatis decus Christifidelibus adduceretur, novumque patrocinium cunctis et praesertim curionibus affulgeret in diffi- cillima munere pervigili cura obeundo.

Quapropter paucis a beato eius exitu elapsis annis, laetisque sane auspiciis, de solemnibus Coelitum honoribus eidem Vene- rabili comparandis studiosissime cogitatum. Atque ordinariis in eius vitam et res gestas inquisitionibus ad iuris normas sedulo