EX S. C. RITUUM 571

exactis, ceterisque omnibus praescriptionibus nitide absolutis, S. Rituum Congregat io examen de virtutibus expendendum iniit. Proinde triplici hac de re disceptatione peractum ; prima nimi- rum v idus augusti anno millesimo octingentesimo nonagésimo in aedibus Rmi Cardinalis Raphaelis Monaco La Valletta, Episco- pi Ostiensis et Veliterni, Causaeque Relatoris ; altera in Vaticano Palatio IV idus iulias anno millesimo octingentesimo nonagé- simo secundo; tertia demum in generali conventu ibidem ha- bito, pridie nonas décembres anno millesimo octingentesimo nonagésimo quarto, coram Sanctissimo Domino Nostro Leone Papa XI I I ; in quo Rmus Cardinalis Camillus Mazzella, pro R m o Cardinali Monaco La Valletta, dubium ad discutiendum pro- posuit : An constet de Virtutibus Theologalibus Fide, Spe et Caritate in Deum ac Proximum ; nec non de Cardinalibus Pru- dentia, Iustitia, Temperantia et Fortitudine earumque adnexis, in gradu heroico, in casu et ad effectum de quo agitur ? Atque omnes, qui interfuere, Rmi Cardinales et Patres consultores, singuli suffragationes ediderunt ; Beatissimus vero Dominus Noster Leo Papa X I I I , omnium audita sententia, quamvis non longe fore confideret, ut Italia in Vincentio Romano insigne Curionum exemplar e clero saeculari propositum haberet, mentem tamen Suam patefacere distulit, utque rei tanti pon- deris preces antecederent ad coelestis luminis ampliorem opem expostulandam, adhortari omnes censuit. Hodierno autem die, solemnibus in honorem Annuntiationis Deiparae Virginis con- secrato, Eucharistica hostia litata, ad hanc Vaticanam aulam accedens solioque Pontificio insidens, Rmos Cardinales accivit Caietanum Aloisi-Masella Sacrae Rituum Congregationi Praefe- ctum, et Camillum Mazzella loco Raphaelis Monaco La Valletta, Causae Ponentis, una cum R. P. Augustino Caprara Sanctae Fidei Promotore meque infrascripto Secretario, iisque adstan- tibus solemniter et rite sanxit : Constare de Virtutibus Theo- logalibus Fide, Spe et Caritate in Deum ac Proximum, nec non de Cardinalibus Prudentia, Iustitia, Temperantia et For- titudine earumque adnexis Venerabilis Servi Dei Vincentii Ro- mano, in gradu heroico, in casu et ad effectum de quo agitur.

Hoc insuper Decretum in vulgus edi et in Acta Sacrorum Rituum Congregationis referri iussit, octavo calendas apriles, anno miliesimo octingentesimo nonagésimo quinto.

C. CARD. ALOISI -MASELLA Praefectus. L. % S.

ALOISIUS TRIPEPI Secretarius.