APPENDIX V. 573

visum est ad Ecclesiarum praelatos aliqua decreta transmittere, alias

eadem super re ab Apostolica Sede edita . . .

Dum autem Pontificiis hisce actis et decretis provide adlaboratur

avertendo ab universali Ecclesia teterrimo massonicarum sectarum damno,

provisum quoque est, ut resipiscentibus facilis ad misericordiam et ve-

niam pateat accessus. Notum enim est censuras et poenas quae in me-

moratis constitutionibus continentur, soli Romano Pontifici reservari, ut

praeter Eum nullus confessarius, aut Praelatus cuiuscumque ordinis,

ritus, aut dignitatis, etiamsi patriarchalis, existat, valide ac licite extra

mortis articulum poenitentes absolvere valeat. Itaque SSmus D. N. Pius

div. prov. PP. IX Amplitudini Tuae facultatem concedit, ad quinquen-

nium valituram, absolvendi a censuris et poenis ecclesiasticis eos, qui

sectis vetitis Massonicis aut Carbonariis, aliisque similibus nomen de-

derint aut favorem praestiterint, postquam tamen a respectiva secta

omnino se separaverint, eamque abiuraverint ; libros, manuscripta ac

signa sectam respicientia, si quae retineant, in manibus absolventis con-

signaverint, ad Ordinarium quamprimum caute transmittenda, veraque

poenitentiae signa exhibuerint : firma obligatione denunciandi sectae

socios vel saltem magistros : iniuncta pro modo culparum gravi poe-

nitentia salutari cum frequentia sacramentalis confessionis, aliisque in-

iunctis de iure iniungendis.

Hac autem facultate ad quinquennium dumtaxat, uti supra, valitura,

pro foro conscientiae uti poteris ipse per Te , vel per presbyterum V i -

carium tuum in spiritualibus generalem, etiam extra sacramentalem

confessionem, pro grege Tibi commisso, et intra fines tuae dioecesis

tantum ; atque de speciali Apostolicae Sedis auctoritate delegata, in

unoquoque casu exprimenda.

Poterit insuper A. T. communicare etiam habitualiter, si Tibi pla-

cuerit, praedictam facultatem pro foro pariter conscientiae vicariis fo-

raneis per dioecesim constitutis ; qui tamen eâ uti non poterunt nisi in

actu sacramentalis confessionis. Ceteris vero confessariis, cum ad te

sive ad praedictum Vicarium tuum generalem in casibus particularibus

poenitentium, recursum habuerint, memoratam facultatem pro exposito

casu, et in actu sacramentalis confessionis exercendam poteris conce-

de re ; nisi fortasse ob peculiares casus aliquibus confessariis a Te spe-

cialiter subdelegandis, per tempus, arbitrio Tuo statuendum, illam com-

municare iudicaveris.

Eos vero confessarios, quibus potestatem hanc habitualiter, vel per

aliquod tempus uti supra impertieris, sedulo monebis, ne illam cuilibet

manifestare praesumant, nisi necessitas aut utilitas id exegerit .