NANCEYEN. 595

Quia sacerdos Hémonet iterum ad S. C. C. contra hoc decretum recursum habuit, sub die 12 Augusti, ita Ordinario rescriptum fuit :

« Dum ad A. T. mitto novum supplicem libellum sac. Hé- monet, ut super eo mentem aperias, simul notum tibi facio, praeceptum huic sacerdoti factum rescripto diei 23 Iunii p. p. se scilicet subiiciendi Episcopo eiusque parendi mandatis, praecise respicere dimissionem paroeciae et discessum eius- dem e loco Noviant-aux-Prés, de quo quaestio tunc age- batur : susceptionem vero novae huius vel alterius paroeciae, rem esse a praecedenti distinctam, ad quam S. C. taxative non respexit in suo rescripto. Quapropter hac de re A. T. procedere quidem poterit ordinaria tua potestate, minime vero S. Sedis nomine et auctoritate ».

Interim sacerdos Hémonet Romam se contulit a divinis suspensus ex praecepto sui ordinarii ; ubi agitabatur causa sub duplici dubio ; primo nimirum, an causa adfuerit suffi- ciens obligandi parochum, ab una Ecclesia remo tum, ad aliam suscipiendam, et secundo an consequenter sustineatur sen- tentia suspensionis. Nam S. C. C. in litera diei 12 Augusti supra relata aperte explicat quaestionis terminos. Nihilomi- nus, quia rationes translationis innituntur remotionis ratio- nibus, hae et illae perpenduntur.

D i s c e p t a t i o S y n o p t i c a

DEFENSIO EPISCOPI. Episcopus in primis refert nonnulla facta, quibus comprobet sacerdotis Hémonet ingenium esse pronum in rebellionem. Narrat enim occasione sepulturae cuiusdam Marchai ob nonnullas difficultates, exinde enatas, se exquisivisse ab Hémonet, qua loci parocho, relationem factorum, ut de iisdem posset inquirenti politicae auctoritati respondere ; sed hoc obtinere non potuisse a rebelli sacerdote, quamvis pluries et instantius interrogato. At Episcopus praecipue parocho Hémonet exprobat factum, cuius ipse fuit auctor, ut parochiae Fabriceria denegaret quemdam suceur-