596 NANCEYEN.

sum pro presbyteris senibus aut infirmis, dari solitum in omnibus parochiis, iuxta morem confirmatum a lege civili. Reclamationibus Ordinarii ob talem iniustam denegationem, Fabriceriae thesaurarius respondit per literas admodum in- solentes, quas Episcopus pro certo habet, parocho Hémonet tribuendas esse. Quocirca Curia episcopalis Fabriceriam ci- tavit apud Iudicem pacis; at tali intimationi cessit, certa quod condemnaretur, et solvit debitam praestationem solum currentis anni, non annorum superiorum ob praescriptionem oppositam iuxta leges civiles. Tunc vocatus sacerdos Hémo- net a Curia Dioecesana, ut responderet de interposita resi- stentia, non potuit citare, nisi unam litteram Vicarii Ge- neralis qui per unum tantum annum praeterito tempore Fa- briceriam dispensaverat a praedicta solutione. Denique notat Episcopus, hoc rebellionis exemplum statim, malo fato, imi- tatores adinvenisse et contentiones factiosas in paroecia ex- citasse, unde quam citius censuit compescendam audaciam Hémonet per decretum remotionis a paroecia Noviant-aux- Prés, et translationis ad aliam vulgo Raon-les-Leau. In- stat quod, eo magis necessariam hanc animadversionem re- cognoverit, quo insolentius iste parochus se gesserat saepius in suos superiores, praesertim vero in Vicarium generalem relate ad quoddam matrimonium celebrandum in paroecia loci Menil-la-Tour ; quod in negotium, quamvis illi omnino impertinens, voluit se ingerere sacerdos Hémonet, nec eru- buit falsi crimen publice appingere Vicario generali.

Sedulo advertit Episcopus quod nihilominus semper per- amanter admonitionibus et paternis correctionibus prosecu- tus est hunc sacerdotem quem punire potuit, sed non indu- cere ut sui criminis poeniteret. - Nam superiorum animad- versiones retorquebat in publicas querelas, in ephemeridibus vulgatas aut vulgandas, prouti hoc spiritu ductus publicavit librum inscriptum Nancy-Juif, quo sub praetextu fraudes detegendi Iudaeorum, conviciis et probris omnes insequitur ipsos praesules ecclesiasticos, veluti cardinalem Foulon. Has allegationes Episcopus ita concludit : « L'étendue de ce mé-