NANGEYEN. 599

imo remotio, hisce in adiunctis peracta, cederet directe con- tra finem, ob quem Paroeciae constitutae sunt.

Quocirca sacri Canones restringere videntur remotionis causas ad delictum illius qui removetur, cuius natura sal- tem ea sit oportet, ut, Parochus removendus iam nequeat cum fructu curam animarum inibi exercere.

Atqui in themate delictum illius, qui removetur, non so- lum deest, sed desunt etiam conditiones illae omnes, quae voluntariam dimissionem beneficii légitimant, duobus notis- simas versiculis adnumeratae :

Debilis, ignarus, male conscius, irregularis Quem mala plebs odit, dans scandalum cedere possunt.

Plane consequitur ex defectu legitimae causae, remotio- nem Sacerdotis Hémonet e Paroecia Noviant iniustam esse atque aversari bonum spirituale fidelium sibi concreditorum.

Iamvero contra translatum Parochum nil obiicitur circa ea quae respiciunt curam animarum. Opponit Episcopus Nanceyensis, quod Parochus minus obsequens fuerit aucto- ritati episcopali ; quod contra Vicarium generalem verba contumeliosa protulerit ; quod defendendo fabriceriam Ec- clesiae Noviant, administrationi dioecesanae damnum pecu- niarum intulerit. Sed nil assignavit quod directe curam animarum attingeret. Nil de debilitate vel ignavia, cum co- gnitus sit Parochum pollere scientia sufficienti, nil de pravis moribus, nil de odio plebis, dicitur. Contrariis & documentis comprobatur Parochum Sacerdotem ob animi amabilitatem, suamque agendi rationem, dilectionem sibi conciliasse plebis Noviant, viciniorumque Parochorum. Et omnia ab ipso Epi- scopo in propatulo ponuntur, cum, ad S. Congregationem Concilii scribens, protestatus fuerit Sacerdotem Hémonet e loco Noviant minime transtulisse, si submissionis declara- tionem interposuisset.

Igitur, arguit patronus, si Sacerdos submissionis decla- rationem interposuisset, translatio locum non habuisset, quod importat omnia contra eum ab Episcopo impiota non respi-