NAiNGEYEN. 601

autem qui plena rerum cognitione loquebatur, dixit favore Paroeciae Noviant dispensationem positam esse per annos quatuor, et Vicarii generalis documentum demonstravit, as- sertionem Episcopi esse minus rectam comprobans. Verita- tem igitur dixit Parochus, et dicere tenebatur cum de in- teresse agebatur propriae Ecclesiae, cuius erat sponsus et administrator.

Cum igitur iusta causa remotionis haud inveniatur, ne- cessario consequitur translationem factam ex odio, et per eam oriri damnum et infamiam. Inopinato enim venit trans- latio , postquam Parochus Hémonet epistolam (Menil la Tour) Episcopo misisset iustificationes continentem circa quaedam allegata a Vicario generali Didiejeran, et in tem- pore publicationis Nancy-Juif. Et quando odium accesserit, quando infamia vel damnum consequitur, remotionem vel translationem sustineri non posse, tradunt Doctores uno ore. Praeclarissimus De Angelis quaestionem fusius aggrediens plurimas refert decisiones, Lib. 1 tit. 28 n. 7 - ibi - « Quoad Parochos habituales, sive sit Capitulum, |ive sit Episcopus, relate ad Vicarios saeculares clericos ad nutum amovibiles, haec de iure retinenda esse censeo ex responsis Sacrarum Congregationum, aliisque momentis. 1. Si revocatio Vicarii locum habuit etc. odio et malitia, tunc est casus reintegra- tionis aut melius manutentionis istorum Vicariorum in mu- nere a quo deiecti sunt... 2. Si pariter revocatio dedecus vel infamiam, aut pariter magnum praeiudicium Vicario cau- saret, tunc facta revocatio absque causa deberet irritari, et Vicarius manu teneri in suo officio.... » Girardi in additio- nibus ad tractatum De officio et potestate Parochi cap. 115 loquens de Vicariis temporaneis ait « Etsi Parochi amovi- biles valeant toties quoties opus est amoveri, attendere ta- men oportet, ut de facto non amoveantur absque legitima causa S. Congr. Conc. 11 Iulii 1820, S. Congr. E E . et Reg. in Sulmonensi 24 Maii 1645 et 16 Maii 1563 et alibi. » Atque paulo post subsequitur « omnes vero amovi- biles Curati, amoveri possunt arbitrio Episcopi dioecesani.