604 NANCEYEN.

(1) Instructio haec relata fuit Vol. XIII pag. 524.

ne spes effulgeat, quod delinquens corrigi, vel damna aut scandala allata reparare ullimode voluisset.

Demum putat, suspensionem in casu sustineri non posse argumento externo et interno. Enimvero, compertissimum est, provisiones, quae locum poenae tenent, requirere iudi- cium saltem summarium, quo iustitia provisionis comprobari possit. Id erumpit ex iure divino, sive positivo sive natu- rali, et ex iure humano, sive ecclesiastico sive civili, nec non ex unanimi Doctorum sententia ; cum tralatitii iuris sit, neminem damnari, nisi legitime probata causa. Praesenti Ecclesiae disciplina, conditione temporum inspecta, aucto- rante Summo Pontifice, per S. Congregationem E E . et R R . sub die 18 Iunii 1880, tradita est instructio pro ecclesiasticis Curiis quoad modum procedendi oeconomice in causis disci- plinaribus et criminalibus clericorum, qua remediis praeve- ni entibus, reprimentibus, et medentibus assignatis, expresse cavetur, quod debeant applicari « iuxta canonum praescri- ptiones... quoad poenalia media animadvertant Rev. Ordi- narii, praesenti instructione haud derogatum esse iudiciorum solemnitatibus, per sacros canones, per apostolicas con- stitutiones, et alias ecclesiasticas dispositiones, imperatis, § IX » (1) .

Et subsequitur « quando procedi oportet criminaliter sive infractionis praecepti, aut criminum communium, vel legum Ecclesiae violationis causa, processus confici potest formis summariis et absque iudicii strepitu, servatis semper iusti- tiae substantialibus ».

Insuper notat, ut censura vim habeat, excuti debet con- tumacia eius qui censurandus est, per trinam monitionem vel per unam peremptoriam « praecedente bina saltem mo- nitione etiam per edictum » uti praescripse.runt Tridentini Patres, Sess. 25. cap. 3 De ref.

Quia censurae causa necessaria est culpa eius, qui hoc gladio feritur, gravissima tamen huic perpetuae privationi