SUESSANA 613

adiuvit parochus se praebens sponsorem pro parva locata domo, pro empta terrula et sue et nonnullis supeliectilibus. De religioso connubio ne verbum quidem, quamvis sponsi, parocho addictissimi, eius domum assidue frequentarent. Ad aures Episcopi huiusmodi parochi conversationis rumores pervenerunt; qui ut coram, rei notitiam assumeret, inopi- nato die 13 Octobris 1892 adstitit in parochiali domo, ubi duas feminas invenit. Graviter de tali scandalo increpans parochum, iussit ut illico illas dimitteret et curaret, ut Gra- tia cum Iosepho Passeretti matrimonium religiosum iniret. Sed dissolutio huius non bene initae familiaritatis, occasio fuit ut apertius de tegeretur scandalorum radix. Nam vir recusavit amplius cohabitare cum Gratia, quam infectam pessima lue incusavit, adeo ut cognoscere debuerit Praetor de hac causa separationis : vicissim uxor nonnullas res dome- sticas restituere recusabat viro, has suas esse asseverans; et ambo se convertebant ad parochum, ut suas adimpleret sponsiones factas, tempore initi coniugii. Has facti circum- stantias comprobare potuit Episcopus, processu in Curia per inquisitionem extraiudicialem confecto, quo tamen pendente oblatus fuit Summo Pontifici quidam libellus subscriptus a nonnullis parochianis testantibus de bona fama parochi Io- sephi; quibus tamen Episcopus nullam fidem adiungendam esse, asserit. Proinde ob resultantia processus, Episcopus de- cretum edidit quo parochum a divinis et paroeciae admini- stratione suspendebat : intimans ut interim spiritualibus exer- citiis vacaret et per mensem a parochia abesset. Decretum primo praesentatum fuit parocho a Primicerio Capituli die 3 Nov. 1892, sed incassum, quia expresse parere recusavit; secundo per Curiae apparitorem fuit intimatum et tunc pa- rochus suis manibus decretum laceravit. Sed postea resipi- scere visus, Curiam adiit profitens se acceptare suspensionem, promisit exercitia spiritualia se peracturum quod perfecit, et solvit Gratiae Migliozzi summam 50 libellarum ob litteram cambii - vulgo cambiale - a muliere habitam, vel, uti alii aiunt furtive subtractam, tempore initi coniugii. Nihilo secius non