RUREMONDEN. 635

solemnia haberi non posse : quia admitti nequit quod moniales tempore dispersionis, vel persecutionis, vel exilii erigant ca- nonice novam domum cum novitiatu, sine venia Apostolica, quae facile impetrari potest, et expedit etiam ut impetretur ad recipiendas instructiones quid faciendum sit, durante tem- pore exilii.

Ad tertium quaesitum Consultor putat rescribendum esse Negative ad primam partem, affirmative ad secundam ; seu dicit omnino esse excludendam votorum solemnitatem, eo quia ex relatione Episcopi Ruremondensis certo certius constabat in fundatione Monasterii Wertensis non fuisse impetratum beneplacitum Apostolicum, quod erat absolute necessarium uti superius ostensum est.

Demum ad quartum propositum dubium, Consultor re- spondet cum distinctione: Quod nempe dici nequeant vere religiosae seu moniales in sensu strictiori seu in sensu iuris canonici ; quia hoc sensu a iure dicuntur tantum professae votorum solemnium. Neque dicendae sunt religiosae dumtaxat in sensu lato, quia hoc sensu religiosae dicuntur etiam illae, quae uno tantum voto, vel alio quocumque vinculo ligatae, per specialem vivendi modum Dei servitio consecrantur. In sensu autem stricto seu iure divino vere et proprie religiosae dici possunt: quia omnia in eis sunt requisita, quae ad hoc sunt necessaria: videlicet 1. tria vota substantialia religionis paupertatis, castitatis et obedientiae; 2. vota perpetua; 3. vota coniuncta cum traditione totius personae Deo facta et no- mine Dei acceptata; 4. vota emissa in ordine approbato; 5. et coniuncta cum vita communi. Quoad consectaria patet, subdit Consultor, eis tribui non posse quae sunt propria votorum solemnium sed tantum quae sunt propria votorum simpli- cium : idem sentiendum de privilegiis. Hinc Consultor ad proposita ab Episcopo Ruremondensi dubia respondet :

Ad I. Non Constat. Ad II. Negative. Ad III. Negative ad primam partem, affirmative ad se-

cundam.