656 ROMANA

Si Rev. Fabrica, notat consultor, aliquod ius, et veram actionem experiri posset, adiunxisset aliquam clausulam praeservativam ex. gr. salvo iure, sine praeiudicio recurrendi in petitorio, vel aliquam inseruisset protestationis literam. Ast longe aliud evenit, ipsa confessa est se nullam dimi- nuendi canonicam rationem habuisse, nec id se consequi iure iudicioque posse cum alterius praeiudicio. Porro com- pertissimum est nullam dari posse validiorem probationem, quam « proprii oris confessionem. Probatio siquidem obliga- tionis satis eruitur, tum ex conciliatorum verbis, tum ex testibus facto proprio certaque scientia deponentibus ; tum ex confessione ipsiusmet contrahentis, quae quidem genus omne probationis antecellit » (cap. Per tuos de probat. Rota coram Bichio Bec. 464 n. 19 coram Molinet. Dec. 1122 n. 6 et in recent. Dec. 749 n. 12 part. IS). Quia e contra Rev. Fabrica S. Petri, opponit se tantum esse mandatariam ad exigendum, respondet in suis animadversionibus procurator Capituli, ast cum mandato particulari, de quo conventum fuit inter partes, quodque observatur a /plus quam centum annis, sibi assumendi damna et utilitates omnes super cani- bus, et dandi semper Capitulo Lateranensi summam certam, absque imminutione. Unde concludit patronus, bissaecularem observantiam huius praestationis per se sufficere ad constituen- dum titulum meliorem de mundo. Nam sicut haec observantia evidentissima est in facto utrimque confesso ; ita receptissima est in iure scilicet per centenariam observantiam praesumi quemque titulum meliorem de mundo ob facultatem (ut docet De Luca De benef. disc. 32 n. 2) « allegandi privilegium Apostolicum, vel quemcumque alium titulum de mundo meliorem, quem sufficit allegare absque necessitate probationis ita praesumptive resultantis a possessione centenaria ». Ac eadem Rota in Praenestina 22 Mar. 1779 coram Martinez: « Qui possessione utitur centenaria ; is certe quocumque meliori ac potentiori titulo, iureque suffultus est, vis pa- ctum? vis privilegium ? cuncta haec et si quid aliud exoptes ex possessione centenaria sunt praesumenda ». Hoc itidem