682 CENTUMCELLARUM

Conventum habent usque ab an. 1712 dum institutio Con- ventus Observantium suam originem trahit ab anno 1863 ; proinde Conventus Capuccinorum in civitate Centumcellarum antiquior est. Item Capuccini publicis processionibus adfue- runt a fundatione Conventus usque ad praesens, et in con- cursu Observantium supra hos praecedentiam obtinuerunt; neque haec praecedendi possessio haberi potest ceu illegitima et non pacifica, ut vellent Observantes, quia protestationes extiterunt, nam respondent Capuccini, ut hae suum conse- quantur effectum, debent esse emissae formis legalibus, quod cum non contigerit, eorum possessio ceu legitima et pacifica est retinenda.

Hisce utrinque compendiose relatis ad

D u b i a

I. An admissa iuxta Btdlam Gregorianam praevalentia tituli possessionis vel quasi possessionis praecedentiae et iuris

praecedendi, quando non probetur vel non constet de pos- sessione vel quasi possessione, admitti debeat titulus filiatio- nis iuxta decretum Ampuriense, vel titulus anterioritatis fundationis Conventus, uti volunt P. Capuccini?

II. An in processionibus aliisque sacris functionibus prae- cedere debeant Minores Observantes, vel P. Capuccini in casu?

R E S O L U T I O . Sacra Congr. Episc, et Reg. re discussa sub die 15 Martii 1895 respondit: Ad I. Non esse interloquen- di^. Ad II. Negative ad primam partem ; affirmative ad secundam.

Ex QUIBUS COLLIGES. I. In controversiis praecedentiae inter religiosos Mendicantes primo attendendam esse posses- sionem vel quasi possessionem praecedendi ; hic enim potior et principalis titulus est, cui alii subsunt.

II. At, hoc exulante, quando insimul concurrunt titulus anterioritatis Conventus et titulus filiationis vel prioritatis approbationis Apostolicae, ut supra discussum est, quinam ex hisce praevalere debeat, adhuc controversum manere cum S. Congregatio prudentius duxerit non esse interloquendum.